Почитувани, Македонската карате репрезентација испиша историја и постигна најголем резултат во историјата на Македонското карате освојувајќи 7 златни, 2 сребрени и 3 бронзени медали во сениорска, младинска, јуниорска и кадетска конкуренција.
Почитувани, Дејан Недев стана Европски шампион и во кумите - борби за сениори со сто го постигна најголемиот историски резултат во историјата на Македонското карате. Тој во финалето го совлада повеќекратниот Европски И светски шампион Италијанецот Леоне Матео кој го освои второто место а третото место го поделија претставникот на Србија и Чешка. Ова е историски најголем резултат во кариерата на Недев од Кога учествува на европските првенства. За останатите резултати на нашите репрезентативци ќе ве информираме во текот на вечерта. Со почит МТКФ.
Почитувани, Мила Саздова во кадетска конкуренција освои златен медал во кадетска конкуренција. Ова е прв златен медал за Саздова од официјалните Европски првенства. Второ место и припадна на репрезентативката на Словенија а третото место на претставничката на Србија. Во тек се финалните натпревари во кати екипно каде нашиот ката тим јуниорки е во финале и ќе се бори на некој од медалите. Со почит МТКФ .
Почитувани, нашиот најдобар каратист Дејан Недев освои историско злато и за прв пат стана шампион на Европа во дисциплината кати поединечно за сениори. Второто место му припадна на претставникот на Австрија а третото на претставникот на Португалија. Инаку ова за Недев е второ злато од официјалните Европски првенства, за потсетување Недев првиот златен медал го освои во 2011 Год. во кумите-борба на Европскиот шампионат во Ерусалим Израел. Финалните И полуфиналните натпревари продолжуваат денес за Сто ќе ве информираме подоцна. Со почит МТКФ.
Ве известуваме дека нашиот најдобар натпреварувач Дејан Недев денес во финалето во кати поединечно беше грубо оштетен со што му беше нанесена голема неправда и одземено првото место и златниот медал во кати-поединечно за сениори. Недев во исклучително силна конкуренција успеа да оствари 3 последователни победи И да се пласира во финалето каде за противник го доби претставникот на Романија кој за 3 класи полошо од Дејан ја изведе својата ката во финалето и не заврши на стартната позиција за што беше и казнет, но и покрај казната двајцата судии од Романија и еден судија од Србија гласаа против Дејан, односно резултатот на крајот беше 3 према 2 со што Дејан требаше да се задоволи со сребрен медал. Поднесен е и приговор од страна на МТКФ за ваквото пристрасно судење. Во јуниорска конкуренција во енбу маж/жена Огнен Тасевски и Берта Милевска го освоија бронзениот медал. Натпреварите продолжуваат утре и задутре а на Европскиот фудокан карате шампионат учествуваат вкупно 28 држави со над 1500 натпреварувачи во сите возрасни категории.
Почитувани ве информираме дека од 12-18 јуни 2016 Год. се одржа традиционалниот МТКФ Летен карате семинар и турнир Неа Флогита 2016, семинарот го водеа Венцислав, Дејан и Аљоша Недеви на семинарот учествуваа каратисти од повеке карате клубови од Македонија, Србија и Грција. На крај од семинарот се одржа турнир И полагање за појаси: Мила Младеновска, Иван Трпковски, Марко Балгурова, Мила Саздова, Огнен Тасевски и Бојан Богдановиќ се победници во своите категории во кати и кумите, а за црн појас 1 дан положија: Максимилија Глигоров, Мила Младеновска и Петар Костов , за црн појас 2 Дан положија: Бојан Богдановиќ, Берта Милевска и Антонија Белазелкоска. Со почит МТКФ.
Почитувани, ве информираме дека Македонската репрезентација во традиционално карате освои вкупно 11 медали од кој 3 златни, 4 сребрени И 4 бронзени медали на Медитеранскиот шампионат кој од 17-19 јуни се одржа во Лимасол Кипар. Медалите се освоени во следните дисциплини: Дејан Недев златен медал во кати поединечно за сениори, Мила Саздова златен медал во кого- кумите, сребрен медал во енбу, бронзен медал во кати за кадети, Огнен Тасевски сребрен медал во енбу за јуниори, Бојан Богдановиќ три бронзени медали во ката, кумите И фукуго за младинци и Иван Трпковски златен медал во кати, сребрен медал во кумите И сребрен медал во кихон за деца од 8-9 Год. На Медитеранскиот шампионат во Лимасол учество земаа 11 земји И 184 натпреварувачи. Судија од Македонија беше проф. Венцислав Недев .
Почитувани ве информираме дека нашиот најдобар каратист Дејан Недев го освои првото место И златен медал и стана шампион на Медитеранот во кати поединечно на 8-от Медитерански карате шампионат во Лимасол Кипар. На шампионатот во Лимасол учествуваа 11 земји И 184 натпреварувачи. Македонија Ја преставуваа 5 натпреварувачи за кој ќе ве информираме подоцна во текот на денот. Со почит МТКФ.
Македонски 
English (UK) 