Дејан Недев освои 4 место во кати за сениори на ИТКФ светскиот шампионат во Лима, Перу

Детали

Објавено: Понеделник, 11 Ноември 2024 07:32

Почитувани, ве информираме дека нашиот најдобар каратист Дејан Недев го освои четвртото место во кати за сениори на ИТКФ светскиот шампионат во Лима, Перу. Тој беше многу блиску до освојување на бронзен или сребрен медал но за жал домашниот терен си го стори своето. Тој во полуфинале изгуби од светскиот шампион Енрике Ројас од Перу. Светскиот шампионат беше организиран на највисоко ниво во Вила Депортива Национал, олимпискиот центар на Перу со учество на над 1000 каратисти од целиот свет. Со почит МТКФ.

Огромен успех на Македонските каратисти на ИТКФ СВЕТСКИОТ КУП во Лима, Перу освоени 3 златни, 2 сребрени и 1 бронзен медал

Детали

Објавено: Недела, 10 Ноември 2024 13:09

Почитувани, Македонската репрезентација во традиционално карате постигна огромен успех на ИТКФ светскиот куп за деца во Лима, Перу освојуваќи 3 златни, 2 сребрени и 1 бронзен медал. Софија Јарчевска освои две први места во кати и кихон ипон кумите за деца од 12-13 години до зелен појас, Филип Недев освои прво место во кати и трето место во кихон ипон кумите за деца 10-11 години до црн појас, а пак Камелија Недев освои 2 место во кати за деца од 12-13 години до црн појас. Ката тимот во состав: Камелија Недев, Филип Недев и Софија Јарчевска освоија второ место за деца од 12-13 години. Ова представува огромен успех за нашите карате надежи кои во исклучително силна конкуренција, каде учествуваа преку 500 каратисти од целиот свет постигнаа вакви врвни резултати. Со почит МТКФ.

50 Years ITKF

Детали

Објавено: Среда, 06 Ноември 2024 11:55

Македонската репрезентација во традиционално карате ќе учествува на ИТКФ Светскиот шампионат и куп во Лима, Перу

Детали

Објавено: Вторник, 05 Ноември 2024 08:19

Почитувани, би сакале да Ве информираме дека Македонската репрезентација во традиционално карате од 6-9 Ноември 2024 ќе земе учество на официјалниот 22ри. ИТКФ Светски шампионат во традиционално карате во Лима, Перу. Во сениорска конкуренција на СШ во дисциплината кати ќе настапи Дејан Недев, а пак на светскиот куп за деца ќе настапат: Камелија Недев, Софија Јарчевска и Филип Недев кои ќе настапат во дисциплините кати и џиу ипон кумите. ИТКФ светскиот шампионат по втор пат во историјата на ИТКФ се одржува во Лима, Перу. Првиот ИТКФ СШ се одржа пред точно 34 години во далечната 1990 година. Оваа година Интернационалната Традиционална Карате Федерација прославува јубилеј 50 години од нејзиното формирање, формирана во Њу Јорк, САД во 1974 година како Интернационална Аматерска Карате Федерација која подоцна во 1990 година за време на светскиот шампионат во Перу го промени името во Интернационална Традиционална Карате Федерација чиј претседател се до 2008 година беше легендарниот Сенсеи Хидетака Нишијама. На светскиот шампионат во Лима, Перу ќе учествуваат над 800 каратисти од 46 земји во светот. Со почит МТКФ.