Почитувани, Ве информираме дека Дејан Недев стана европски шампион во кати за сениори на 35-от. ЕТКФ ЕШ во традиционално карате. Ова за Дејан Недев е осма европска титула во неговата богата натпреварувачка кариера. Првата титула ја освои пред 10 години на ЕТКФ ЕШ во Ерусалим, Израел во 2011 година.
Почитувани, Ве информираме дека денеска Македонската репрезентација во традиционално карате на вториот ден од европскиот шампионат освои уште две сребрени медали и тоа, Антонија Белазелкоска освои второ место во фукуго за јуниорки и Мила Младеновска второ место во фукуго за кадетки. Максимилијан Глигоров и Иван Пиневски имаа солиден настап во јуниорска конкуренција но за жал не успеаја да дојдат до медал. Утре е последен ден од ЕШ во Белград каде ќе настапат сениорите: Дејан Недев, Јадранка Недева, Емилија Јанчевска и Бојан Богдановиќ.
Со почит МТКФ.
Почитувани, Ве известуваме дека нашиот најдобар каратист Дејан Недев го освои првото место и златниот медал во кати за сениори на ЕК во традиционално карате во Катовице, Полска. Конкуренцијата во оваа дисциплина беше многу силна каде учествуваа 28 натпреварувачи од најсилните европски земји. Второто место го освои преставник од Романија, а третото место го поделија преставниците на Унгарија и Италија. Ова за Дејан Недев е седма европска титула. Со почит МТКФ.
 |
 |
Почитувани, Ве информираме дека Камелија Недев освои сребрен медал во категоријата кати за деца 8-9 години со што стана европски вицешампион на ЕК што се одржува во Катовице, Полска. Таа со минимална разлика од еден глас во финалето изгуби од Наоми Роха од Израел. На ЕК учествуваат 28 земји со над 500 натпреварувачи. Натпреварите се одржуваат во спортската арена Сподек во Катовице. Со почит МТКФ.
Почитувани, би сакале да Ве информираме дека од денес 4 октомври па до 6 октомври 2021 година во Катовице, Полска ќе се одржи Европскиот Куп во традиционално карате за деца, кадети, јуниори и сениори. На ЕК во Катовице, Македонија ја преставуваат Дејан Недев во сениорска конкуренција и Камелија Недев во конкуренција на деца. На ЕК во Катовице учествуваат над 500 каратисти од 28 држави. Со Почит МТКФ.
Македонски 
English (UK) 
